CRATES

I.

CRATES

Atheniensis, Poeta Comicus, antiquae Comoediae, auditor Polemonis Philosophi. Suidas.

II.

CRATES

Pergamenus, res mirandas de variis gentibus literis prodidit. De quo Plin. l. 7. c. 2. et Aelianus de Animalibus, l. 17. c. 9. Item Orator, ex familia Isocratis. Voss. loc. cit.

III.

CRATES

cognomine Mallotes, fil. Timocratis, Stoicus et Grammaticus sub Ptol. Philometore, aequalis Aristophanis Grammatici, cognominabatur Criticus, sive Homericus. Scripsit in Iliaden et Odysseam libros 59. Comment. Suidas. Studium Grammaticae Romam primus intulit, teste Suetoniô, de Illustr. Gramm. c. 2. missus enim ad Senatum ab Attalo Rege, sub ipsam Ennii mortem plurimas acroases fecit, assiduoque per omne tempus legationis

disseruit. Plin. l. 4. c. 12. Varro, l. 8. de L. L. Strab. lib. 1. 3. 13. et 14 Voss. de Hist. Graec. l. 3. p. 347. de Poet. c. 8.

IV.

CRATES

fil. Ascondi, cira 113. Olymp. Thebanus, Philosophus Cynicus, Diogenis discipulus, Hipparchiae maritus, qui, Suidâ ac Diogene Laertiô testibus, in pecuniam omnem substantiam redigens, apud Trapezitam deposuit, hâc lege, ut, si filii Philosophi essent, eam indigentibus civibus distribueret, nihilô Philosophos indigere existimans, Si autem idiotae, eis redderet, ut, vacuis virtute, saltem opes opitularentur. Philostratus autem in vita Apollonii, et Diocles, eum substantiam suam aiunt in mare proiecisse, ut liberius philosopharetur, atque dixisse, Abite pessum malae cupiditates, Ego vos mergam, ne ipse mergar a vobis Neque enim putavit se posse, et virtutes, et divitias simul possidere. A' Nicodromo citharoedo, alapâ acceptâ, istâ Epigraphe, Hoc Nicodromus secit, illum notavit. Emicuit autem Demetrii Poliorcetae temporibus, ad quem Thebas obsidentem missus legatus, suâ auctoritate, eum ab obsidione patriae removit. Plut. Diogen. Laert. l. 6.

V.

CRATES

sub Alexandro M. machinariae rei artifex. Item Philosophus Peripateticus: Item Philosophus Academicus, Tarsensis. Item Epigrammatista. Geometra tandem, etc. Diog. Laert. in Cratete Academico, l. 4.